Monday, May 18, 2009

May Day..

lamo boto den tak update blog den nih.. bukannyo apo, tak menyompek den nak blogging dari ghumah.. somonjak duo monjak ni, apo yg di sibukkan kan den pun tak tahu... tapi mmg sibuklah yang nyato e... hehehe..

besok den tak poie kojo.. anak den tak berapo nak sihat.. biasolah budak2.. domam domam dio tu lah.. dah ponek main, sekarang ni, tinggal penyakit yo lah yg nak datang.. tambah pulak sekarang ni ha, musin cuaco tak berapo nak baik, sokojap hujan, sokojap paneh, mano tak penyakit pun sonang nak menghinggap kek kito.. orang tuo macam kito ni pun boleh tombang kalau hari hari sokojap paneh, sokojap sojuk.. den ni pun dah dokek sebulan kono selsomo tak baik baik.. ontah menatang selsomo hapo yg tak baik2 nih.. celako boto..
tadi den dah hanta anak den poie klinik.. takdo apo kalau ngikut kato tuan doktor nu ha.. amin..

bulan lopeh poie camping.. nghamai ghamai... kek Tanjung Bungah ko apo ke namo tompek ei.. best jugak la.. yo lah.. pasang khemah, bakar ikan ayam kambing bagai.. main bola tampar.. seronok... anak anak puh pueh la main pasir.. tu lah yg di carik eh.. bersembang sampai tongah malam.. dokek pukul tigo ke ompek pagi baru tido.. tapi malam tu hujan ya amat la lobat ei.. abih boco khemah den.. khemah kengkawan den puh abih.. sian.. hujan den ingat start dari pukul ompek sampai pukul tujuh pagi.. den dah soram kalau kalau tercabut torbang khemah den tu.. apo nak di kato eh..

on the way nak balik tu, den punya lah mengantuk, siap tido laei lopeh bridge.. gilo punya mengantuk.. sampai rumah, anak bini den, tak menyompek lagi dah.. bontang kan toto dopan tv, terbongkang sekor sekor... batang2 camping tadi.. biarkan dulu dalam kereto.. nanti la cerito yang tu.. tak larat den..

mako baru den nak lolapkan mato, member pulak telepon.. siap siap nak poei tengok konsert Search kat Seborang Jayo.. omak aii.. nak tercabut raso ei bijik mato den.. tapi disobabkan rock kangkang punyo pasa... den gagahkan juo..

malam tu, Search mmg mantap.. dalam pado dah tuo tuo, gagah lagi Amy tu rock sampai dokek duo jam.. mmg den respek..

ponek la menaip ... nanti den sambung laei bilo ado kesompatan dan maso... hehhehe..

kalau ekau ado maso, poei la nengok facebook den... facebook den ataupun flickr den.. flickr den
ado la gamba duo tigo koping.. buek konangan.. jangan takdo iyo tak?